Ein heildarætlan er eitt sera hent amboð til at vísa á visjónir og framtíðarætlanir hjá kommunustýri, stovni ella fyritøku.

Samstundis at skipa innanhýsis arbeiðið og at nýta sum samskifti innanhýsis og úteftir, t.d. viðvíkjandi ‘Ofta settum spurningum‘.

Vit veita ráðgeving innan býarskipanarligt arbeiði.

Tað hevur stóran týdning, at tað, ið verður sett í verk, hevur jaliga ávirkan á býin, bygdina og nærsamfelagið. Vit kunnu hjálpa til við tí samansetta arbeiðinum, ið hoyrir til.

Um verkætlanir skulu koma á mál, har allar treytir eru gingnar á møti, er neyðugt, at tær verða leiddar skynsamt. Høvuðstreytirnar eru oftast tíð, kostnaður og góðska.

Senit veitir holla ráðgeving og verkætlanarleiðslu í smærri verkætlanum.

Ein og hvør boðskapur rakar sum oftast á mál, um hann er greiður, einfaldur og ikki ov samansettur.

Vit hjálpa til eitt nú við samskifti millum politisku skipanina, aðalráð og fyri- og umsiting, frá privatfyritøku til kundar og annað. Eisini marknaðarføring og kunnandi og upplýsandi tilfar.

Senit skipar fyri alskyns slagi av tiltøkum sum fundir, konvensjónir, framløgur, aðalfundir, gallaveitslur og annað.

Tit vita, hvat tiltakið snýr seg um, men saman finna vit útav, hvussu nógv fólk væntast at møta upp, málbólkurin, tíð, hvør staðfesting hóskar seg, fígging, okkurt til matna, transport og annað.

Tað liggur ikki øllum natúrliga fyri at leggja fram fyri einari fjøld. Tað er nevniliga eitt kynstur fyri seg, um ein skal fáa sín boðskap út á besta hátt.

Vit hava royndir at leggja fram tilfar, sum onnur ella vit sjálvi hava framleitt, og eisini snikkað tær til á Powerpoint til onnur at leggja fram.

Eisini er møguligt at hava framløgur um samfelag og planlegging.

Tað kostar at liva, og tað kostar bara meir og meir.

Um tú sum einstaklingur ella tit sum par ella familja sita í trongum skóm av ymsum ávum, so kann Senit veita úrslitagóða fíggjarplanlegging fyri tykkum, soleiðis at tit koma aftur at standa á sterkum beinum.

Við góðum samskifti og ágrýtni verður komið á mál! Sjálvsagt í trúnaði.

Hevur tú stutta freist at lata inn? Ella heldur føroyskt vera torført?

Tað kann vera ein uppgávu ella ritgerð at lata inn og tú vil fegin tryggja tær, at stavsetingin er røtt?

Set teg í samband við okkum, og vit finna útav saman, hvussu vit gera. Bæði í sambandi við tíð, hvat tað kostar, og nær tað skal vera liðugt.